疫情好返啲，終於可以多啲帶悠悠落街玩喇！

不過知我住邊嘅朋友都知道，我哋屋企附近係冇咩遊樂場，所以我好鍾意同兩兄妹落街玩車。

好開心收到 Jakewell 送嚟嘅 Doona Liki Trike S3heart 呢架係我嘅dream car嚟㗎！之前唯唯細個，我見親小朋友玩都話有第二胎一定要買cheeky

 

點解咁鍾意？

首先因為佢係可以摺埋，自然就好慳位啦wink 有人話佢好似好大部，怕阻地方，咁就真係要睇吓點樣摺埋：https://www.youtube.com/watch?v=BIIh_1XX9Qo

BB車摺埋就未必個個夠力，尤其是啲大大部嘅baby boss座駕，但呢部三輪單車，細粒如我都輕易摺得埋

摺得埋方便，打返開都一樣㗎：https://www.youtube.com/watch?v=5I5oLtqVAxg

小結論係，摺埋細細部，又只係6.7KG重，帶去郊外玩都方便～遲啲可以去旅行，帶埋佢出國都得（摺合後可拎上飛機）！

 

 

第二，性價比高yes

呢部單車可以由BB 10個月大玩到成3歲，睇吓點玩啦：

階段一：適合10至18個月嘅幼兒。用齊安全桿，高靠背，踏板，防紫外線遮陽篷同推桿就安全啲喇。

 

階段二：適合18至24個月嘅幼兒。安全桿同UV遮篷可以拆卸，踏板已經可以轉移到前面，不過～腳踏轉向都仍然可以停用，由照顧者控制架車。

 

階段三：適合24至30個月嘅小朋友。踏板可以俾小朋友操作，佢哋可以控制推車嘅轉向。照顧者都可以根據情況，睇吓仲用唔用條五點式安全帶。

 

階段四：適合30個月以上嘅小朋友。已經可以做小車手喇，靠背可以低啲，推桿都可拆埋。

所以話，早買早享受，玩足成20個月，真係抵番晒啦！

 

第三，雙向設計。

Balance bike同單車都冇得推小朋友，有時佢哋踩到攰，真係好難連人帶車咁推佢返屋企frown我就試過喺屋企附近嘅海濱長廊一手拎單車，一手抱住唯少返屋企。行成半個鐘，一啲都唔輕鬆。

而 Liki Trike 有推桿，就算佢放軟手腳坐喺車度，我都可以輕鬆地推佢！

最好嘅係，佢嘅前手柄同腳踏都用雙向控制系統，小朋友可以扮揸車，照顧者又可以透過推杆控制住佢哋，唔使驚唔知踩咗去邊。

 

最後，我呢啲外貌協會會員梗係鍾意佢顏色靚啦！其實我好鍾意佢隻灰色，不過俾悠悠玩，梗係要紅色啦！其他顏色都低調地好型，出街玩絕對吸睛！

 

總結係，悠悠真係玩得好開心，成日話要落去玩車，小朋友嘅感覺就最真實，所以即使要自費都好值得。

睇完希望幫到你決定啦wink

 

Like & follow usyes

https://www.facebook.com/weplaynlearn/ 

https://www.instagram.com/kly.chu/

——————————————————————————

唯媽修讀英國文學，是半個文字工作者，每日不停閱讀，不停寫；最希望以語文教育和感染唯B，做個不只知識，更加知情知性的人。

交流和聯絡可前往唯媽為唯B而設的 Facebook / Instagram :
Facebook：https://www.facebook.com/WePlaynLearn/
Blog: https://weplaynlearn.blogspot.hk/